لراوبر ویب پاڼه لراوبر يو افغان – تازه خبرونه
بصيرالحق عادل
د «رنګونه مشالونه» په نوم د ښاغلي سيد اصغر هاشمي نوی کتاب چې د ګډو مقالو ټولګه ده تازه چاپ شوې ده.
ښاغلی هاشمي وايي، په دې کتاب کې يې ادبي، ټولنيزې او د ادب تاريخ اړوند بېلابېلې مقالې ځای پر ځای کړي دي.
رنګونه مشالونه د مهين خپروندويي ټولنې له لوري په ۱۰۰۰ ټوکه کې په ښکلي صحافت تازه چاپ شوی دی.
د ښاغلي پوهنيار سيد اصغر هاشمي تر دې مخکې هم لسګونه کتابونه چې يو شمېر يې څېړنې او ژباړې دي چاپ شوي دي.
هاشمي چې دا مهال کنړ پوهنتون کې د استادۍ دنده مخته وړي وايي، غواړي د ليکوالۍ له لارې ادبي او ټولنيز موضوعات وڅېړي او محصلينو ته يې وړاندې کړي.
