لراوبر ویب پاڼه لراوبر يو افغان – تازه خبرونه
پروفيسر صاحبزاده حميدالله له فاني نړۍ وکوچېد. ارواښاد د پښتو ژبي نوموړی ليکوال او نژدې تر سل د زياتو کتابونو ليکوال وو، چي د اتيا کلونو په عمر کي په حق ورسېدی. ارواښاد د نوموړي ديني عالم ارواښاد صاحبزاده عبدالرحمان آغا زوی وو، چي ډېره علمي کورنۍ لري. نوموړی د پښين سره نژدې په خپل پلرني کلي فيض اباد کي د پلار د قبر و څنګ ته خاورو ته وسپارل سو. د ارواښاد په جنازه کي د يو مشېر اديبانو په ملتيا د زرګونو په شمېر اولس ګډون درلودی. اروا دي يې ښاد وي.
