دجمهوررئیس سلاکاران، وزیران او . . .

دجمهوررئیس سلاکاران، وزیران، رئیسان، مدیران اوداسې نور…

د اصلې او ډیسې مجاهدینوینو رژیم نسکورشو او یو شرعي نظام مینځ ته راغی چې ددغه نظام نوم هم خلک حیران کړل، څرنګه چې افغان یو مسلمان او مجاهد ولس دی نو ددغه رژیم دراتګ یی ښه تود هرکلی وکړ. خو په ډیرافسوس سره باد وویل شي چې دغه نظام کې څه عجیبه غوندې مخلوقات راغلل لکه سپیڅلې مسلمانان، وحشې ځناوران، چنګیزان او داسې نور….                                                                    

په هر ډول خبره می درژیم کوله؛ په تیرآخره دافغانستان ولس ددغه رژیم دنسکوریدو غوښتنه یې هم وکړه حتی چې امریکا او شمالې ټلواله یې غوره وګڼل او یو انتقالې جمهوري دیموکرات دولت مینځ ته راغی او پرله پسې دپينځو کلونو لپاره دښاغلي حامد کرزی په مشر تابه یو ج.د دولت جوړشو!                                          

دافغانستان جنګ زپلی ولس ډیر زیات خوشحاله او دسوکالۍ پالونه یې ونیول. خوپه ډیر افسوس سره باید ووایم چې دغه بدمرغه ملت یو ځل بیا ښه وځورید او د اوسني دولت واکداران او دامریکانو وحشیانه ستم دومره وځورول چې په هرموټر کې به مي دغه یوه خبراوریده (همان طالبان خوب بود، کم از کم عزت وابرو ما محفوظ می بود)، (هماغه طالبان ښه وه، کم څه کم هغه عزت او پت خو مي خوندي وه)؛ بیا به ورسره دغه خبره هم اضافه کړه (هغه مال وجایداد خو مودلاسه ورکړي وه هغه یوانسانی شان، شوکت، عزت  او ابرو پاتې وه  اوهغه هم له مینځه ولاړه) نوددغه اوسني دولت یوه ډیره غټه تحفه دا وه چې خپل مجاهد او بیچاره ولس ته یې ورکړه (شاباس) ددوي دغې پیرزونې نه چې مونږه ته یې ډالۍ کړه.                                            

دغه اوسنې دولت مخکینې خاینینو ته ښې په زړه پوري تحفې ډالۍ کړي او هر یو په ښه لویه څوکۍ ونازوه. څزنګه چې  دغو ټولو په غلا، چور، ترور، فساد او داسې نور حرامیتوبونه کې تخصص کړی دی نو بډې یې را ووهلې او زمونږ په بیچاره ولس یې ښې نخرې وکړي. تاسو په خدای یقین وکړی چې همدغه اوس مهال په ټولو ادارو کې چورپیل شویدی، ښه په ډاګه باندې پوستونه او پروژې خرڅیږې او دغو داړه مارانو ښې پیسې ترلاسه کړي او په تیښته کې دي، او ټول دخپلو کورنیو سره دوبۍ، امریکا، استرالیا او داسې نور ملکونو ته وتښتیدل او هلته یې خپل کاروبارونه پیل کړه، ډیر بي رحمه اوجاهله دي؛ پیسې مو پټي کړي نو دملک نه یې بهر څه ته وړی خو همدلته کاروبار پیل کړی یو څه بیکاره هیوادوال خو ځان سره مصروف کړی که نه.                  

دویمه تحفه یې داوه؛ چې زمونږه وستاسی ډیری خلک دامریکانو په وحشی سپیانو وداړل شول، دمیندو له سر ه دحیاپردی لیری کړای شوی، ماشومان یتیمان شول، ځوانان مړه شول او داسې نور ظلمونه وشول چی زما قلم یې دلیکلو څخه عاجز دی. ددومره ظلمونو برسیره اوس دغو وحشیانو یوځل بیا ځانونه کاندید کړاو غواړي چې بیا مووځوره وي. آخر زه حیران پاتي یم چې دوی ولي نه مړیږي؛ خدای خو دی داخرت په خاوروماړه کړي.                                                                                                                             

هاغه لال ګل کاکا به وویل،،جیلاني پدي باندې سر مه خوږه وه چې دفقیر معصوم مال تالاوالاشو، عزت یې ترپښولاندې شو او بچیان یې بي پوهې پاتي شول،، نو ما به بیا وپوښت ای لال ګل کاکا داڅه وایې ته، نو بیا به هغه مسکی شو او راته ووبه وویل؛ګوره جیلاني پردي که شل کوره وران کړي نو خپل به پري یو م جوړنه کړي، غم مه کوه دفقیر مال څوک نشي ازمولای او هغه ورځ لیری نه ده چې دغو ټولونه به حساب و کتاب وشي او بیا به راته وویل هغه اوریدلي نه دي چې الله جل جلاله په خپل مقدس کتاب کي فرمایلي(ان بطش ربک لشدید) په تحقیق سره دالله پاک نیول ډیر سخت دي!                                                            

زه خو خپل ووټ هیچا ته نه ورکوم، ولی که ووټ می ورکړ نو زه هم مجرم شو ځکه ددی ووټ مانا دکاندید دکار تاکید کول دی او زه دا کارنه کوم او بیا دټولو هیوادوالو څخه هیله کوم ترڅو خپل قیمتی ووټ هغه چاته ورکړي چې ددغه ملت رښتینی خدمتګاروي.