لراوبر ویب پاڼه لراوبر يو افغان – تازه خبرونه
د ترکيې زمان ورځپاڼي پخپل نني راپور کښي د عربستان د اوبو او برېښنا وزير عبدالله الحسين له خولې ليکلي دي چي عربستان د هستوي قدرت د ترلاسه کولو په موخه خپلي لومړنۍ هلي-ځلي پېل کړي دي .
د زمان د راپور له مخي : دا پداسي حال کي ده چي لوېدیځ او اسرائيل پدې لټه کښي دي چي څرنګه د اېران هستوي پروګرام ته خاتمه ورکړي .
د عربستان د اوبو او برېښنا وزير عبدالله الحسين په وينا هيواد يې د لومړنيو هستوي بټيو د تاسيسولو هڅي شروع کړي دي .
ترکي ورځپاڼه زمان د عربستان چاپ ورځپاني الوطن په حواله ليکلي دي چي دا نوي هستوي بټۍ به د عربستان او عربي متحده امارتو په توافق د يو امريکايي شرکت له خوا په کار اچول کيږي .
زمان ورځپاڼه ليکي چي په تيرو دوو کلونو کښي د عربستان تر څنګ قطر، البحرین، عمان، کویت، عربي متحده امارت، مصر، اردن او یمن هم د هستوي طاقت د جوړېدو په موخه خپل هستوي تاسيسات او د يورانيمو د غني کولو لړۍ پېل کړي دي .
