ارادې يو را ټولېږو ستا په خوا په دې تياره کې

خپلو زړو ته له دې ځايه وړو ړنا په دې تياره کې

د زخمي زړونو پالنه به په چا سپارو خاونده

دوى خو اوښکې وچې نه کړې د هېچا په دې تياره کې

ساعت کېږي له دې ډزه چې د باد څپې يې راوړې

څو نرۍ نارې خورې دي د ابا په دې تياره کې

دا په وينو ککړ پلونه که تعقيب کړى پسې ورشى

تېره شوې پر دې لار ده يوه ورا په دې تياره کې

ما دي خداى کړي ستا له مخه اوکه نه وي نو دي غبرګ مرو

ستا دي وي جانانه مه درومه جدا په دې تياره کې

ستا کوچۍ ته چې ته نه يې هر هر سيورى يو لښکر شي

را اوږده شي سل لاسونه د بلا په دې تياره کې