د ډنډ ولسوالۍ د اصلاحي شورا غړى او قومي مشر حاجي محمد نعيم چي په اغاماما سره يې شهرت درلود نن سهار پاو کم شپږ بجې د کندهار ښار د لسمي امنيتي حوزې اړوند د ګچ خانو په سيمه کي د جامع جومات دننه د لمانځه پرمهال ويشتل سوی او ځای پر ځای وژل سوی دی . د کندهار ولايت مقام پېښه تاييد کړې او وايي چي بريدکوونکي تښتېدلي دي .

د کندهار ولايت مقام د پېښي عاملين د سولي او اسلام د دښمنان بللي او دا پېښه يې غندلې ده او وايي چي د عاملينو د نيول کېدو هڅي يې پيل کړيدي .

د يادوني وړ ده چي په کندهار کي ددغسي وژنو شمېر تر پنځه سوه اوښتئ دی خو دولت په دې کي پاته راغلئ دی چي حتی د يوې دغسي پېښي عاملين دي هم ونيسي .