په بروکسل کښي د اروپا د اسلامي  سازمانو اتحاديې د  لاهې د نړۍ والي جنايي محکمې پر دغه پرېکړه  باندي چي د سوډان  جمهور رئيس عمر البشیر  يې په دارفور کي د جنګي جنايتونو په تور  محکوم کړی او دهغه د نيولو حکم يې صادر کړی دی،  کلکه نيوکه کړېده  .

په هغه بيانيه کي چي د دغي اتحاديې لخوا خپره سوېده د لاهې د محکمې پر دغه جانبدارانه پريکړي باندي  سخت انتقاد سوی او هغه يې يو دوه مخی سياست او د يوه بام او دوو هواو پر معيار يې ارزولی دی  . په بيانيه کي ويل کيږي چي موږ ددې تمه درلوده چي په نړۍ کي د عدالت خواخوږو او د لاهې محکمې بايد   اسرائيلي جنګي جنايت کاران و محکمې ته را کش کړي وای  نه د سوډان جمهور رئيس !

 په بيانيه کي ويل کيږي چي  دا پوښتنه په ډير شدت سره پر خپل ځای پاتې ده  چي د لاهې محکمې ولي د غزې په تراډه کي د اسرائيلو د وحشتناکه جناياتو په هکله  دعدالت او د بشر د حقوقو د تحقق او ساتني ږغ  را پورته نکړ ؟

په اروپا کي د اسلامي سازمانو اتحاديې په خپله بيانيه کي وايي او د لاهې د قاضيانو څخه دا پوښتنه کوي چي د هغوی له نظره آيا عمر البشير ګوناکاره دی او که اسرائيلي چارواکي لکه «تریپی لیونی»، «ایهود بارک»، «ایهود اولمرت» او «شیمون پرز»، چي د غزې د ۲۲ ورځنۍ جګړې په جريان کي يې لويه انساني تراژيدي را مينځته کړه ؟ آيا تاسو قاضيان پخپله ددې جنايت شاهدان نه واست؟