بهرنيو ځواکونو د خوست په عملياتو کښي د پنځو ولسي وګړو او يوه نوي زېږېدلي افغان ماشوم د وژني په اړه چي وړاندي يې د رسنيو څخه د جنګياليو د وژلو خبر ورکول سوئ وو؛ معذرت غوښتئ او وايي چي د کورنيو سره به يې مالي مرسته وکړي .

د اوو شپو د ماشوم پلار وويل چي ماشوم يې د بهرنيو ځواکو په حمله کښي وژل سوئ او د ماشوم مور هم ژوبل سوې ده .

په حمله کښي د سيمي د نجونود ښوونځۍ يوه ښوونکې او دهغې دوه ماشومان هم وژل سوي دي .

د بهرنيو ځواکونو د بې غورۍ له امله زيات وخت د وسلوالو او القاعدوو په نوم عام ولس ته دا ډول زړه بوږنوکي درانه ځاني او مالي تلفات اووښتي دي او لا پسي ور اووړي چي د ولس او دولت ترمنځ د واټن پېداکېدلو سبب سوئ دئ .