دهلمند ولايت په ګرشک ولسوالي کي دملکي کسانو په يوه موټر باندي دماين چاودنه سوي ده چي دهلمند دوالي دوياند په په خبره يولس تنو ته په کي مرګ اوژوبله اوښتي ده
که څه هم ددې ماين دچاودني پړه لا چاپه غاړه نه ده اخستي خو دوالي وياند يي پړه پرطالبانو وراړوي
دګرشک ولسوالي سپين مسجد سيمي ته څيرمه دملکي کسانو يو ټونس ډوله موټر دسړک په سر دښخ کړاى سوي ماين يو لس تنه ملکي کسان دښځو او ماشومانو په شمول و وژل
دهلمند دوالي وياند محمد داود احمدې وايي په دي چاودنه کي چي تيره ورځ ناوخت رامنځته سوې ده يولس تنه وژل سوي دي چي داحمدي په خبره ټول وژل سوي کسان ديوې کورني غړي دي
داود احمدي دماين ښخول دطالبانو کار وباله اوزياته يي کړه چي طالبان غواړي دداسي ماينونو له امله چي غير مسلکي دي دولتي اوبهرني ځواکونو موخه وګرځوي چي داحمدي په خبره په زياتو سيمو کي يي زيان ملکي کسانو ته رسيږي
که څه هم داود احمدي په ماين باندي ختلى موټر ټونيس ښي خو دګرشک لښکرګاه دموټرو په هډه کي ډيري کسان وايي سراچه موټر په ماين ختلى او په کي لس تنه وژل سوي دي
دغه موټروانان وايي چي يوه ماشومه نجلي ژوندي پاته سوي ده چي ددوي په خبره سخته ټپي سوي ده او اوس مهال د بهرنيو ځوکونو په يوه نظامي روغتون کي تر درملني لاندي ده
ديادوني وړ ده چي په هلمند کي په دي وروستيو کي دسړک دغاړي دماينونو له امله زياته مرګ اوژبله ملکي کسانو ته اوړي چي يوازي دناوې دخلګو په خوله په دي ولسوالي کي دماينونه له امله دوژل سوو ملکي کسانو شميره ترسلو تنو اوښتي ده