دروسيي ولسمشر ويلي روسيې دفلسطين خپلواکي په نولس سوه اته اتياکال کې په رسميت پيژندلي او خپل دغه دريځ نه بدلوي .
دروسيي ولسمشردفلسطيني اداري له مشر محمودعباس سره په يوګډخبري کنفرانس کې دوينا پرمهال وويل دوي ديوخپلواکه فلسطيني دولت دتاسـس لپاره دفلسطينيانو دنه بدلونکي حق ملاتړ کړى اودغه همکارۍ ته به دوام ورکړي .
دروسيي ولسمشردغه راز زياته کړه که اسرائيل ديهوديانو دميشت ځايونو دفعاليتونو په اړه يومثبت اقدام ونه کړي نو ددغه دواړو هيوادونو ترمنځ به دسولي خبري اتري کومي پايلي ونه لري .