دهغو علمی تحقیقاتو په نتیجه کی چی دنړی پر پنځو لکو یغنی نیم میلیون انسانانو تر سره شوی طب پوهانو نتیجه تر لاسه کړه چی د قهوی څښل ګټه لری، په خاص ډول:

۱- قهوه دهغو کسانو لپاره ګټوره ده چی دوهمه درجه دیابت لری.

هغه ماده چی اسینین نومیږی ددی سبب ګرځی تر څو انسولین فعال وی او د ګلوکوز سره مرسته وکړی چی ځان د بدن حجراتو ته ورسوی، د اسینین په عدم موجودیت کی انسولین په یواځی سر نشی کولای د ګلوکوز داخیلیدل حجراتو ته تامین کړی او همدا لامل دی چی شکر په وینه کی لوړیږی.

تحقیقاتو په ډاګه کړه هغه کسان چی قهوه نه څښی نسبت و هغو کسانو ته چی قهوه څښی شکر یی لوړ وی.

۲ـ قهوه دځینو سرطانی ناروغیو د انکشاف مخنیوی کوی.

د ډاکترانو تحقیقاتی پایلی ښیی کومی میرمنی چی د ورځی ۲ـ۳ پیالی قهوه څښی د رحیم سرطان تر ۷٪ را ټیټږی او که چیری میرمنی د ورځی ۴ پیالی او یا اضافه له هغه وڅښی تر ۲۵٪ د رحیم سرطانی انکشاف مخنیوی یی کیږی.

د نارینوو په هکله تحقیقات ښیی هغه کسان چی دورځی ۴ پیالی قهوه څښی ۶۰٪د مثانی سرطان د انکشاف مخه نیسی.

۳ـ د پرکانسیون مرض د انکشاف مخنیوی کوی .

د ډاکترانو تحقیقاتی نتیجه داده چی پرکانسیون یو ډول اهتزازی فلج دی .

د تیری پیړی په شپیتمو کلونو کی طبی علماوو نیرومیدیاتور یا توپامین چی د بدن د حرکاتود تنظیم مسولیت لری کشف کړ، دمغز د هغو حجراتو جوړښت چی نیرومیدیاتور یا توپامین د تولید وظیفه لری د پرکانسیون مرض له امله تر فشار لاندی راخی چی دعضلاتو د اهتزاز سبب کرځی، قهوه ددی حجراتو د تغیر مخنیوی کوی په دی ترتیب سره مغزی حجرات د توپامین د تولید امکان مومی او د پرکانسیون ناروغی د انکشاف مخنیوی کوی.

تر دم ګړی داسی نظر وو چی د قهوی څښل د زړه ناروغی او لوړ فشار لپاره مضره ده مګر تحقیقات ښیی چی دقهوی څښل د فشار د ټیټیدو سبب ګرځی دا په دی چی قهوه مدرره ده او د مایعاتو خروج فشار را ټیټوی.

هغه علمی تحقیقات چی په نیم میلیون انسانانو تر سره شوی ورځنی دوز له ۲ تر ۵ پیالو مجاز ګڼی او ښه ورځنی دوز ۴ پیالی ګڼل کیږی او اضافه له ۶ پیالو د صحت لپاره مضر ده.

ب. اندړ

ترجمه :دروسی منبع څخه