د هلمند د والي وياند عمر ځواک وايي چي د دې ولايت د مرکز لښکرګاه په صافيانو نومي سيمه کي د پوليسو رېنجر ته څېرمه بمي چاودنه سوېده.
د ده په وينا چي د پوليسو پر رينجر هغه وخت چاودنه سوې کله چي هغه د سيمي څخه د تېرېدو په حال کي وو.
نوموړي زياتوي چي په دې چاودنه کي يوازي يو پوليس ټپي سوى دئ.
ځواک ليکي چي د ماين په چاودنه کي خپله ماين ښخوونکى هم ټپي سوى ځکه هغه د ماين چاودني وسيمي ته نژدې وو.
په دې اړه خپله وسله والو تر اوسه څه نه دي ويلي.