لمړي عملیات ددي ولایت دشملزو ولسوالیو په سرحدي سمیوکی دسرحدي پولیسو لخوا ترسره شوی دی چی په ترځ کی یی دکندهار داوسني امنیه قوماندان او دسرحدي لیوا ددرستیزوال جنرال رازق په وینا څلور کسه وسله وال وژل شوی دی ، نوموړي زیاتوی چی په عملیاتوکی ددوي سرتیروته کوم زیان ندي اوښتي خو دمخالیف لوري څخه یی یوه اندازه وسله په لاس راوړي په ورته وخت کی دشاهجوي ولسوالۍ څخه رارسیدلي رپوټونه وایی چی تیره شپه وسله والوطالبانو په نوموړي ولسوالۍ کی پر پولیسو برید کړي ، دزابل امنیه قوماندان غلام سخي روغ لیوني پیښه تایدوي او وایی په برید کی ددوي دوه پولیس ټپیان شوی دی ، امنیه قوماندان زیاتوي چی په ښآر صفا ولسوالي کی هم دماین په یوه چاودنه کی ددوی یو پولیس وژل شوی دی ، هغه په دایچوپان ولسوالي کی هم په مخامخ نښته کی دخپلو دو پولیسو ټپی کیدل ومنل ، نوموړي وایی دوسله والو سره یی څوساعته نښته کړی او له سیمي څخه یی پر شاکړي دي زابل هغه ولایت دي چی پدی وستیوکی یی بیا دامنیتي پیښوګراف لوړ شوی دي او داسی ښکاري چی وسله والو طالبانویوځل بیا مخامخ بریدونوته زور ورکړي ، ځکه پدی ولایت کی په دریو ولسوالیوکی باندی په پرله پسی ډول مخامخ بریدونه کیږي ، دنړیوالو سرتیرو راوتل دولسوالیوڅخه ځیني امنیتي ستونزي جوړي کړي خو چارواکی وایی چی دولسوالیو دامنیت په برخه کی کومه ستونزه نلري