دزابل امینه قوماندان مل پاسوال غلام سخي روغ لیونی وایی دغه تریاک چی ټول وزن یی ۲۲۷ کیلوګرامو ته رسیږی نیمای یی دملی امنیت دمنسوبینو او پاتي نور دپولیسو لخوا دکابل کندهار پرلویه لاره او مرکزقلات کی دتلاشۍ پرمهال نیول شوی دی ، نوموړي زیاتوی چی یاد نشی توکي په څلور موټروکی په ډير مهارت ځاي پرځای شوی وه چی ددوي لخوا ونیول شول ، قوماندان وایی دنشی توکوسره په تړاو پنځه کسه قاچاق وړونکي هم نیول شوی دی ،
ښاغلي روغ لیونی وایی دنشی توکو پروړاندي به مباریزه کوی او قاچاق وړونکی به دقانون منګولو ته سپاري ، دروغ لیونی په خبره سږ کال یی کروندګرو ته هم لارښونه کړی چی دکوکنارو دکرکیلی په صورت کی به دهغوی سره قانونی چلند کوی ، نوموړی وایی په تیر یوه کال کی پدغه ولایت کی په زرګونه کیلوګرامه نشی توکی ترنیول کیدو ورسته سوځول شوی دی ، قوماندان زیاتوی چی هڅه کوی ترڅو دکابل کندهار پرلویه لاره خپل دتلاشۍ مرکزونه هم زیات کړی ، دیادولو وړده چی زابل یو دهغو ولایتونو څخه دی چی پکی زیات نشی توکی نیول کیږی ، چارواکی وایی دغه ولایت دکابل کندهار پرلویه لاره پروت دی چی نشی توکی هم دهمدغه لاري یوی او بلی سیمي ته لیږدول کیږی ،