نن سهار د کندهار ښار په آرګ کښي ښاروالۍ ته څېرمه يوه درنه چاودنه رامنځته سول چي يو تن پکښي مرګژوبل او پنځه نور ټپيان دي .

د ناتاييد سويو راپورنو له مخي د پيښي په قربانيانو کښي د اولسي خلګو په ګډون د کندهار ښاروال غلام حيدر حميدي او محافظين هم شامل دي . که څه هم د بريد د هدف او مسؤليت په اړه لا تر اوسه دقيق معلومات ندي ورکړل سوي، خو ويل کيږي چي د چاودني پر مهال کندهار ښاروال خپل کار ته د ستنېدو په حال کښي وو .

خو ديو پخواني ځايي افسر عبدالله خان د چين سينوا خبري اژانس ته ويلي چي چي په زيانمن سوي موټر کښي ښاروال نه وو موجود.

د افسر په وينا دا بريد ممکن د پسونو د رمې په ذريعه ترسره سوئ وي ځکه چي په پېښه کښي پسونو ته هم ژوبله اوښتې ده چي دا به د پسه څخه په بريد کښي د کار اخستلو لومړی ځل او نوی تکتيک وي .

د کندهار ښاروالي د ښار په مرکزي برخه آرګ کښي موقيعت لري چي چارچاپيره يې زيات وخت د اولسي خلګو ګڼه – ګوڼه وي .