ټاكل سوې ده چي د افغانستان د كركيټ ملي لوبډله نن له كاناډا هيواد سره لوبه وكړي.
د افغانستان د كركيټ ملي لوبډلي نړيوالو سياليو ته د لار موندني د لومړي ډيوژن د دوهم پړاو په لوبو كي د آيرلنډ هيواد ته يوه حيرانوونكې ماته وركړه.
د كركيټ د ماهرانو په وينا دوى هيڅ فكر نه كاوه، چي د افغانستان لوبډله دي د آيرلنډ غوندي قوي هيواد ته هم ماته وركړي.
آيرلنډ د كركيټ په تېرو نړيوالو سياليو كي پاكستان او بنګلدېش ته ماتي وركړې وه، او د همدې روانو لوبو په لومړي پړاو كي يې پنځه لوبي ګټلي وې.

د لر او بر افغانستان ويبپاڼه له كاناډا سره په نننۍ لوبه كي افغان لوبغاړو ته د لوى خداى (ج) له دربار څخه د برياليتوب هيله كوي.