ګیله مند
سعيد لودين
زه د حالاتو نه په تنګ راغلم
دخپل تدبیرسره په جنګ راغلم
ماویل چه ښکل به کړم روښانه لاره
په سرنوشت کی د پتنګ راغلم
زه د خپل ملک د پادشاهی په هیله
خو په حساب کی د ملنګ راغلم
ما سره ښکلی ارمانونه زړه کی
خو نامراده تری په څنګ راغلم
هغه حساب چه می د ژوند درلوده
زه په مسیر کی د نیرنګ راغلم
ماویل چه زه به خپل منزل ته رسم
په حقیقت کی په بل رنګ راغلم
د پاکو هیلو ، ارمانونو ښار نه
زه افغانی تری ګیله من راغلم
