لراوبر ویب پاڼه لراوبر يو افغان – تازه خبرونه
د ازادۍ راډیو چې مرکز یې په پراګ کې دی ، خپله نوې پښتو- دري ویبپاڼه نن ( جمعه) په لیکه کړه .
ازادي راډیو تردې مخکې ویبپاڼه لرله خوپه منظم ډول یې خبرونه او راپورونه نه خپرول او یوازې یې د اډیو یا ږغ د خپرېدو لپاره ترې کاراخیست.
د دې راډیو په نوې ویبپاڼه کې لوستونکو ته پرتازه خبرونو سربېره د افغانستان اونړۍ مطبوعاتوته کتنه،د ورځینو تودو پېښو مفصل راپورونه اود دې راډیو د خپرونو مهالوېش په لاس ورځي .
ازادي راډیو چې د ازادې اروپاپه چوکاټ کې خپرونې کوي ، له ۲۰۰۲ کال راهیسي د افغانستان لپاره په پښتو اودري خپرونې کوي .
له شویو نظرپوښتنو سره سم ازادي راډیو په افغانستان کې ترټولوزیاته اورېدل کېدونکې راډیو ده خو له دې سره سره یې تراوسه پورې منظمه ویبپاڼه نه لرله .
