لراوبر ویب پاڼه لراوبر يو افغان – تازه خبرونه
پاکستاني چارواکي وايي په بنو کي يې تر ٧٠ زيات مخالف جنګيالي وژلي دي.
د پاکستان پوځي سرچينې وايي دغه عمليات يې نن دوهمه ده چي د بنو په جانيخېلو سيمو کي د طالب جنګياليو پر ضد پيل کړي دي.
د پاکستان د پوځ وياند جنرال اطهر عباس وايي په دې عملياتو کي يې د طالبانو پر ضد په توپخانه سمبال پليو پوځيانو او او د هوايي ځواک څرخکو برخه اخيستې ده.
پوځ وايي دغه عمليات يې د رزمک د کيډټ کالج د تښتوونکو پر ضد پيل کړي دي، چي حکومت له سيمي څخه د وتلو ضرب الاجل ورته ټاکلى وو، خو دوى ونه وتل.
نن د چارشنبې په ورځ په جانيخېلو کي پر تګ راتګ بنديز لګېدلى وو او د ځايي اوسيېدونکو په وينا د سپکو او درنو توپونو ږغونه اورېدل کېږي.
