لراوبر ویب پاڼه لراوبر يو افغان – تازه خبرونه
د امريکا ولسمشر د سکاى نيوز سره په يوه ځانګړې مرکه کي ويلي پر افغان پاليسي به يو ځل بيا غور وکړي.
باراک اوباما ويلي د اګست تر ٢٠ وروسته چي په افغانستان کي د جمهوري رياست انتخابات وسي، امريکا به يو ځل بيا پر خپله پاليسي غور وکړي، چي څنګه په دغه هيواد کي د حکومت ضد وسله والو او تارياکو سره مبارزه وکړي، او په څه ډول د افغان پوليسو او پوځ شمېر او مهارتونه لوړ کړي.
باراک اوباما يو ځل بيا تکرار کړې چي نړۍ وال پوځونه به افغانانو سره د انتخاباتو په پروسه کي د امنيت په ټينګولو کي مرسته وکړي، خو امريکا به د هيڅ يوه کانديد ملاتړ او مخالفت تر انتخاباتو دمخه ونکړي.
