لراوبر ویب پاڼه لراوبر يو افغان – تازه خبرونه
د وژل شوو کاناډايي سرتيري جسدونه خپل هيواد ته ليږدول کيږي
د کاناډايي رسنيو له مخې ټاکل شوې چې، دهغو دوو تنو کاناډايي سرتيرو جسدونه خپل هيواد ته وليږدول شي چې، په کندهار کې وژل شوي دي.
دغو سرتيرو د تېري يکشنبې په ورځ هغه مهال خپل ژوند له لاسه ورکړ چې، د گزمې موټر يي دسړک غاړې له ښخ شوي ماين سره برابر شو.
وژل شوي سرتيري هريو هاني مونسي ٤١ کلن او اريک ليبي ٣١ کلن سړي دي.
د رسنيو له مخې د دغو سرتيرو جسدونه به د ځانگړو مراسمو په ترڅ کې کاناډا ته واستول شي.
دا دريمه کاناډايي ډله ده چې جسدونه يي تر وژل کيدو وروسته خپل هيواد ته استول کيږي.
