لراوبر ویب پاڼه لراوبر يو افغان – تازه خبرونه
ميرمن كلتوري ټولنیز بهير اوونيزه غونډه د شنبې په ورځ د اسد په يولسمه د ۱۳۸۸ لمريز كال چې برابره ده د جولاي له لومړۍ د ۲۰۰۹ سره د پوهنې وزارت په شپږم پوړ كې دګڼ شمير خوندو په ګډون تر سره شوه .
د غونډې ویانده چې پاريسه خزان وه د جميلې ساپۍ په رياست په مخ ولاړه د غونډې ځانګړی میلمه ښاغلي استاد شپون ، و د تل په شان په غونډه كې لومړی په كاري مسايلو خبرې وشوې او دځلا مجلې له پاره يې له خوندونه څخه د مطالبو غوښتنه وكړه .
همدا راز د غونډې دوهمه برخه كره كتني ته ځانګړ ې شوي وه چي په هغي كي د مینا شعر كره كتني ته وړاندي شو شعر ډير په زړه پوري وه او د وزن او قافيې له نظره بشپړ وه اغلي شريفي د شعر په اړه وويل چي شعر خو ډير ښكلي دی خو ځينو بيتو كي سيلابونه سره زياد او كم شوي دي همدا راز مینا جانه د ټولو ګډون والو له خوا وستايل شوه د كره كتنې نه وروسته ښاغلي شپون صاحب د كيسي په اړه معلومات وركړل او د كيسي ځانګړتياوي يي د بهير غړوته وښودلي تر څو چې هر هغه خور چې نوي په كيسه ليكلو پيل كوي په دغو اصولو باندې كار وكړي نو به په اينده كې يوه تكړه ليكواله شي د كيسې د ليكلو په برخه كې ډيرو خوندو له ښاغلي شپون نه پوښتنې وكړې او شپون صاحب ورته ځوابونه وركړل .
د غونډې وروستۍ برخه مشاعره وه چي مشاعره د ميني صابر وردك په كور به توب په مخ لاړه مشاعره كي ډيرو خويندو برخه واخسته چي هر يوه يي ښکلا ، مينه ، تورپيكي ، اریا حافظ،جميله ، پاريسه ، ګلالي امرخيل ، سولي نيازي ، خاطري ، سپوږمي ، راحلي نوري او داسي نور پکې برخه لرله.
دغونډې په پای کې داوونۍ فعاله او بختوره میرمن پاریسه خزان وټاکل شوه او د ميرمن كلتوري ټولنیز بهير ځانګړی سوغات ورته ډالۍ شو.
په غونډه كي دوه ټوك كتابونه هر يو ته وركړ شول او غونډه د مازديګر په څلور نيمو بجو دمازدیګرنۍ په خوړلو سره پاي ته ورسيده هيره دې نه وي چې د ميرمن بهير اوونيزه غونډه د هرې شنبې په ورځ و ماسپښين په يوه نيمه بجه د پوهنې وزارت په شپږم پوړ كې جوړيږي.
