وسله وال طالبان ادعا کوي چې تېره شپه يې دننګرهار په خوږياڼو ولسوالۍ کې د امريکايي ځواکونو پر يوه کاروان بريد کړی او لس تنه امريکايي پوځيان يې وژلي. د طالب وياند ذبيح الله مجاهد په وينا په دغه بريد کې د امريکايي ځواکونو دوه تانګونه ويجاړ شوي او ددوی يو طالب ملګری هم ژوبل شوی دی. په ختيځ کې دمېشتو ایساف ځواکونو مطبوعاتي دفتر مني چې بېګا شپه په خوږ ياڼو کې وسله والو طالبانو د دوی پر ځواکونو بريد کړی، خو وايي چې په دغه بريد کې د دوی څلورتنه سرتيري مړه اوژوبل شوي دي. تېره ورځ په کونړ کې هم وسله والو طالبانو د ایساف پر يوه کاروان بريد کړی و او دغو ځواکونو منلې وه چې يو شمېر سرتيرو ته يې مرګ ژوبله اوښتې ده.