لراوبر ویب پاڼه لراوبر يو افغان – تازه خبرونه
اسوشیټیډ پریس په خپل تازه خبر کي هغه ویډیو خپره کړه چی اردني افسر ( خلیل ابو ملال البلاوی ) تر خپلي هغه استشهادي حملې مخکي تهیه کړې وه چي د هغه په ترڅ کي یې په خوست کښي اووه د سي آی اې افسران وژلي وو .
ده ویلي چي ټول جهادیان باید د امریکایي اهدافو پر ضد ( د امریکا په دننه او بهر کښي ) حملې وکړي تر څو د بیت الله مسود انتقام واخلي .
دی په دې ویډیو کي د پاکستاني طالبانو د مشر حکیم الله مسود تر څنګ ناست دئ او په عربي ژبه ږغیږي .
البلاوي وایي چي یو مهاجر باید د الله په خاطر خپل دین سودا نکړي حتی که لمر په راسته لاس کي او سپوږمۍ هم په چپه لاس کي ورکول سي .
دی زیاتوي چي : موږ به د خپل امیر بیت الله مسود ویني هیڅکله هیري نکړو او دا د هر مهاجر مسؤلیت دئ .
البلاوي چي د اردن د استخباراتو ، سي آی اې او القاعده شبکې ارتباطی و ، دا دنده لرل چي ایمان الظواهری او د القاعده نور مشران به معلوموي، خو په عمل کي یې ثابته کړه چي د القاعده ټینګ خواخوږی وو او د هغوی د آرمان لپاره یې ځان هم قربان کړ .
دا ویډیو الجزیره لومړی خپره کړه :
