دمکرچال
ترڅودمکراودفریب هر چال دې ړنګه نشي
خلاص به هیڅکله هم دا وطن له جنګه نشي
هرجنایت اوهریوجرم دې شخصي امر دی
په هیڅ ګناه به دې د قوم انځوربدرنګه نشي
د بیګناهو په وژلو کوم بی دین به ویاړي
یومسلمان داسې هیڅوخت به بی ننګه نشي
هره ورځ خواخترنوي چه ته خوله خواږه کړې
هره ورځ به دې دا غواهم داسې لنګه نشي
مه ځوروه دا ځورولې اورنځور ملت نور
چیرته دا پراخ لمن دنړی درته تنګه نشي
آخر ه به پوه شي غلیدلې او تیروتې خلک
چې د وطن په ورانولو د چا ننګه نشي
شاکربه لیرې کړي داسپین حجاب دې دتورمخ نه
ترډیره وخته ښه قسمت به دې ترڅنګه نشي