د جنوبي امريکا د چيلي هيواد يوې سختي زلزلې ولړزاوه چي چارواکو په ساحلي ښارونو کي د سونامي د راتګ زنګ وواهه.
لومړني راپورونه وايي د چيلي په کانسيپشن ښارکي د دې زلزلې له امله د ١٢٢په شاوخوا کي کسان مړه سوي چي ښايي مرګ ژوبله تر دې هم لوړه سي.
د چيلي حکومت ويلي د زلزلې مرکز د بحرالکاهل سمندر و چي د ريختر په حساب اته اعشاريه اته درجې زلزله پکښي سوې او د دغه هيواد ځيني سيمي يې ولړزولې.
د راپورونو له مخي د کانسيپشن ښار هوايي ډګر د الوتکو دپاره تړل سوئ دئ، او له ښار څخه خلګ د وتلو هڅه کوي.
د جاپان او امريکا د مځک پوهني ادارو د نن ورځي په پيل کي لا په بحرالکاهل کي د زلزلې او سونامي د احتمال په هکله خبر ورکړى وو.
د امريکا د مځک پوهني اداره وايي د سونامي په راتګ سره د چيلي، ايکوادور، پيرو، کولمبيا، انترکتيکا، پاناما او کوسټاريکا ځيني ساحلي سيمي د سونامي له خطر سره مخ دي.
راپورونه وايي په بحرالکاهل سمندر کي لومړنۍ زلزله نن سهار پنځه نيمي بجې وسوه چي تر لسو ثانيو پوري يې لړزې دوام وکړ.