طالبانو خبر ورکړ چی نن ماپښین یې د کندهار د ارغنداب ولسوالۍ په کاغانک کی په یو خر پوری بمونه وتړل او هغه یې د عسکرو قرارګاه ته وشړﺉ . هلته په ننوتو سره هغوی دا بمونه وچاودول چی په نتیجه کی یې ۱۵ عسکر مړه او زخمیان کړل . په دغه تاکتیکی حمله کی د قرارګاه قوماندان هم وژل سوی دی .
طالبان زیاتوی چی نن غرمه یې په مارجه کی هم دوه امریکایی ټانکونه په ماینونو والوزول چو لومړنی په ( شیخانزو بلاک ) کی او دوهم یې د ( کوچنی یازده ) په منطقه کی والوزاوه چی د دوو ترجمانانو په شمول پکښی سپاره امریکایان وژل سوي دي .
طالبان وایی چی نن غرمه یې د هلمند د ګریشک ولسوالۍ په بازار کی هم دوه پولیس چی پر موټر سایکل سپاره وو ، وویشتل او ځای پر ځای یې ووژل ، موټرسایکل او دواړه میله کلاشنیکوفونه یې طالبانو یووړل . پرون یې د زابل په مرکز کی هم ورته حمله کړې وه .