د یونما مخي ته د بیوزلوسړو وو لاریون
ول موږ له ښځو سره غواړو مساوي قانون
هغوی شوی اوس له رښتیا زبېښاکګران
د هغو هر حکم ته شوی یو موږ تورمرییان

خپله پلرګنی مني نه مني زموږ خپلوان
له موږه ختا شوې د دواړو نړیو ایمان
واړه مو په خپل اصلي نو م بولي اکاګان
یوازې هغو پيژني خپل خاله او ماماګان

زموږ په دار وندارو چړچې کوي اخښیان
ډالۍ کوي زموږ تبړ ته له وخته تیره شیان
پر خپل سر یې ډنګوي بېله زموږ پرسان
ټول بد موږ ته وايي په دې بې توله کپان

د لاسه یې اوبه نه تویږي په خپلو سخرانو
غیبت یې په پلو غوټه وي د خپلو خواښیانو
غروړي لري په زړه کې دپاره د میړه خیلانو
تندی یې ړون دی لکه لمر پر خپلو قریبانو

په کاله کې مو ځړېږی انځورونه د خسرګنیو
په بې ارزي ورته ګوري که را شی زماد پلرګنیو
خواپوټه کړي زموږ ،اریان کړی هغوی پر ځانو
داووم خیال پوخول نه لری امکان زموږ خوارو
زموږ کور نشو زموږ د وړونو او خویندو
پارک زرنیګار شو زموږد اخښیانو او خوښینو

هغو ته یې د ښو سترګه نیول نلري امکان
اوس ښځې تر مخه موږ یې تر شاشا یو روان
زموږ خپلوان دی هغوی ته دسترګو اغزان
لاس مو پر خوله ایښي یو شرمنده او اریان

په پندونو روایتونو مو خولې وکړې وېښتان
کاشکي دا حقوق شي بیرته لکه اوله یوشان
چې خسر ګنۍ او پلرګنۍ مو شي یو سان
دا ټوله اوس پر ځان تیروو یو لکه وله لرزان
موږ غوښه ویلي شوه چاغ شوه زموږ زنان
موږ تل په خپل افغاني غیرت یو پرېشان

ګوته په غاښ د یونما مامور چې و افغان
ول د اټوله ستا سو دافغانی غیرت دی نښان
کله هم حقوق مساوی شوی نه دی په جهان
طبیعت زموږ خټه کوې خپله یاست ډارنان

خپله ورته شوی یاست له اوله بګیلان
پشې مو نه ده ویشتی ټینګه په شپه د امتحان

کنایي :

د لاسه یې اوبه نه تویږی( بخیلی کوې )؛پر خپل سر ډنګول(بی سلا کار کول)؛طبیعت خټه کیدل(خپه کیدل)؛خبره په پلو پوری غوټه کول ( شیطانت کول)؛سترګه ورته نیولی ( امید لرل)،اوم خیال پخول ( محاله هیله)
؛ګوته په غاښ نیول( اریان)،تندی تریو نیول(بد نیت)،په زړه کې غروړی درلودل( کینه) ؛لاس پر خوله اېښوول( چپه خوله)،بې ارزی ورته کتل( بی عزت کول)؛خواپوټه کېدل( اشتها بنده)؛پر ځان تیرول(زغمل)؛وله لرزان ( ویره او تشویش)؛سر گران ( خوابدی)؛ژبه وېښتان کول( ډیر ویل)،غوښه اخیستل( خوشاله او چاغ)؛غوښه اوبه کیدل( غم او ډنګر).