لراوبر ویب پاڼه لراوبر يو افغان – تازه خبرونه
سحر چې شم بيداره يوجنجال مې وي په مـــــــــــــــــخ کې
له وخت سره په جنګ يمه زوال مــــــــــــــــې وي په مخ کې
په هڅه کې ددې يم چې بهر شم لـــــــــــــــــــــــــــــــه دې شره
منزل مې نه ختمېږي پوره کال مې وي په مـــــــــــــــــخ کې
نه زه وينم جانان اونه دى کلي ته راغـــــــــــــــــــــــــــــــــــــلى
تصميم چې دتلو وکړمه دېوال مې وي په مـــــــــــــــــخ کې
داڅرنګه ټولنه ده داڅرنګه پښتـــــــــــــــــــــــــــــــــــــــــــــــوده
هروخت وي ازموينه هريو سوال مې وي په مــــــــــــــخ کې
هرڅوک په دې پوهېږي چې هرکار په پښتـــــــــــــــــــونشي
له خپل نه چې ګوښه شم نړيوال مې وي په مـــــــــــــــخ کې
سپوږمۍ او ستوري ټول دي سپوږمۍ داسې ورته وايي
کومه چې (ځلا) ستا سو جمال مې وي په مـــــــــــــــخ کې
