په کابل کي تر هغه وروسته چي نن سهار پنځه نيمی بجې دوه پرله پسې ځانمرګي بريدونه وسوه اوس شاوخوا يو نيم ساعت وروسته هم جګړه روانه ده ، په ډلو ډلو پوليس يوې او بلي خواته ګرځي ، په هوا کي هم هليکپټر ګرځي راګرځي ، زخميان د امبولانسونو او هليکپټر په مرسته له سيمي لېږدول کيږي .

د کابل د پوليسو يوه چارواکي لراوبر ته وويل چي یوه ډله ځانمرګي برید کوونکي په یاده سیمه کې د ملګرو ملتونو یوه میلمستون ته ننوتلي دي ، د نوموړي په وينا لومړنيو کسانو په دروازه کي ځانونه پټاو کړه او نور دفتر ته ننوتل ، خو یوې بلې سرچینې په وينا چې ځانمرګي برید کوونکي په سیمه کې د انګلستان قونسلګرۍ ننوتلي او له هغه ځايه د پوليسو سره په جګړه بوخت دي .

دا بريدونه په داسي حال کي وسوه چي نن په ټول افغانستان د خپلواکۍ د کاليزي په مناسبت يو لړ پروګرامونه په پام کي نيول سوي وه .

په سيمه کي د سپکو او درنو وسلو ږغونه اوريدل کيږی ، د پېښي مسوليت تر اوسه هم چا پر غاړه نه دی اخستی .