د کندهار ولايت دامنيه قومندانۍد امنيت امر وايي چي د تيري اوونۍ په اوږدو کي يې ٣٠ تنه هغه بهرني اتباع چي قانوني جوازونه ورسره نه ول نيول سوي او له پولي اړول سوي دي.
سمونوال رحمت الله اطرافي چي نن يې د کندهار ولايت د رسنيو سره د اړيکو او معلوماتو په مرکز کي جوړي سوي غونډي ته خبري کولې وويل چي په دې کسانو کي زياته برخه يې د پاکستان هيواد اتباع وه چي قانوني اسناد يې نه لرل.
د نوموړي په خبره چي په ياده اوونۍ کي يې په جنايي جرمونو ککړ هم لس تنه نيولي چي پکښي غله او نور ورته کسان شامل دي او اړوندو قضايي ارګانونو ته سپارل سوي دي.
د امنيت امر همداراز زياته کړه چي د نشه يي توکو پر وړاندي د مبارزې مديريت پوليسو يې په تېره اوونۍ کي ٢٠٥٠ کيلو ګرامه خام چرس او همداراز ١٢٧ کيلو ګرامه تارياک له دوو موټرونو او څلورو تنو قاچاقبرانو سره يو ځاى نيولي دي.