ولسمشر حامدکرزي ۱۱ کاله وروسته د کندهار ښاريانو او علماو غوښتنه ومنله او د عمر بن خطاب جامع د تعمير جوېدو د پاره يې د يو مليون ډالرو هوکړه لاسليک کړه .

د ولسمشر د ويندوی له دفتره لراوبر ته په راغليو معلوماتو کي راغلي چي د پنځوس مليونو افغانيو د منظورۍ سره ولسمشر د دغي جامې د چټک جوړېدلو غوښتنه کړېده .

د عمر بن خطاب مسجد د نقشې له مخي په درو پوړو کي د لسو زرو لمونځ کوونکو ځای لري ،د بنسټ ډبره په ۱۳۷۷ لمريز کال د طالبانو د واکمنۍ پر مهال کښېښوول سول خو د مسجد تر بشپړېدو مخکي د طالبانو واکمني له پښو وغورځول سول .