دزابل امنيتي چارواکي وايي چې دکابل کندهار پر لويه لاره يې شل وسله وال طالبان وژلي او پنځه نور يې ټپيان کړي دي . دزابل دامنيت امر فريدالله ځدراڼ لراوبر ته وويل چې شپږ وسله وال طالبان يې ژوندي هم نيولي دي . دغه نښته نن دپانج شنبې په ورځ دشاجوى ولسوالي په سيمه کې وشوه . دده په وينا چې په نښته٩ کې افغان او ناټو ځواکونو شريکه ونډه درلوده خو ناټو او افغان ځواکونو ته تاوان نه دى رسېدلى  ښاغلي ځدراڼ زياته کړه چې ديوولسو وسله والو طالبانو مړي يې هم دشاجوى ولسوالي ته وروړي دي . او تر دامهاله لا دکورنيو وارسانو ته نه دي سپارل شوي . پخپله وسله والو طالبانو ددغې پېښي په اړه غبرګون نه دى ښودلى .