هغه غونډه چی  دښځو دنړوالي ورځي په مناسبت دښځو چاروپه ریاست کی جوړشوي وه پکی ددغه ولایت سلګونو میرمنو او یوشمیر دولتي چاروکو ګډون کړي وه په غونډه کی دزابل مرستیال والي محمد جان رسولیار دښځو پرحقونو خبري وکړي او دپخوا په پرتله یی پدغه ولایت کی دښځو پروړاندی ستونزي او ننګوني کمي وبللي . نوموړي وویل چی اوسمهال دولتي ادارو او نړیولومسسو دښځو لپاره زیات کارونه او سهلتونه برابرکړي او ترڅنګ یی خلک هم دښځو په حقوقو پوهیدلي دی ،
ښاغلي رسولیار زیاته کړه چی هره میرمن دخپل حق او حقوقو دفاع کولای شی او باید دستونزو په صورت کی دولت ته خبر ورکړي .په یاده غونډه کی یوشمیر میرمنو په سیمه کی دښځو پروړاندی دپرتوستونزو څخه یادونه وکړه ، دوی وویل چی لا اوس هم یوشمیر کسان دی چی دپخوانیو دودونو له مخي ښځو ته ستونزي جوړوي 
په زابل کی دښځو نړیواله ورځ پداسی حال کی لمانځل کیږي چی پدغه ولایت کی لا اوس هم  هرکال دښځو چارودریاست لخوا دکلني رپوټ په پایله کی ډيری میرمني دکورني تاوترخوالي ، جبري ودونو او یوشمیر نورو  ننګونو قرباني کیږي ،دیادوني وړده چی دښځو دورځي په مناسب  دجوړي شوی غونډي دبرخه والو سره درامپ اپ موسسي لخوا مرسته هم وشوه