اسلام اباد:د پاکستان د بهرنیو چارو وزارت څرگنده کړې چې دپاکستان د ملي امنیت او بهرنیو چارو لپاره د لومړي وزیر سلاکار سرتاج عزیز به سبا کابل ته سفر وکړي او افغان ولسمشر حامد کرزي ته به د لومړي وزیر نواز شریف یو ځانګړی پیغام هم ورسوي.د بهرنیو چارو د وزارت ویاند اعزاز احمد چوهدرې وویل ښاغلی عزیز به له افغان ولسمشر سره هم غونډه کوي.ویاند وویل سر تاج عزیز به د لومړي وزیر له خوا ولسمشر حامد کرزي ته د پاکستان د سفر رسمي بلنه هم ورکړي