د ميدان وردګو ولايت د کرنې او مالدارۍ رياست يو سلاکار او دوه مديران د يوې ترافيکې پېښې په ترڅ خپل ژوند له لاسه ورکړى.
د ميدان ورګو ولايت دکرنې او مالدارۍ رياست دغه درې کارکوونکو تېره ورځ هغه مهال خپل ژوند له لاسه ورکړ او يو بل هغه وخت ټپي شو،کله چې دوي له دندې ترسره کولو وروسته بېرته دکابل په لوري روان وو،چې دکابل ولايت په ارغندي سيمه کې له يوبل کرولا ډوله موټر سره وجنګيده او ياده پېښه رامنځته شوه.
د يادې پېښې په قربانيانو کي د کرنې او مالدارۍ رياست سلاکار انجينر زرخان، د دغه رياست د املاکو مدير سلطان محمد او اجرائيه مدير سيدانور شامل دي .
همدا راز په دغه پېښه کې يو ملکي وګړى هم ټپي شوى دى .
د وردګو والي عبدالمجيد خوږياڼى پر دې پېښه خفګان ښوولى او د موټر چلوونکو څخه ئې غوښتنه کړې چي د موټرانو په چلولو کي د ډېر احتياط څخه کار واخلي.