دکندهار ولایت مقام درسنیو دفتر لراوبر ته په رالېږل سوې خبرپاڼه کښي لیکل سوي دي چي پرون ورځ غرمه مهال د کندهار ښکارپر دروازې ته څېرمه د وسله والو طالبانو له خوا په هديره کښي ځای پر ځای سوي چاوېدونکي توکي کشف سول.
ياد چاوېدونکي توکي چي دخبرپاڼي په حواله د وسلوالو طالبانو له خوا ښکارپر دروازې ته څېرمه په يوه قبر کي د مړو د تعزيت کوونکو د وژلو په موخه ځای پر ځای سوي ول،د پوليسو له خوا کشف او د بې ګناه عامو خلکو د وژلو مخه ونيول سوه.
دکندهار درسنیو دفتر وايي چي ياده پېښه په ښکاره پر دې دلالت کوي چي وسله وال طالبانو خپلو ناروا اهدافو ته د رسېدو په وړاندي نه مسجد، نه ملا امام، نه اسلامي مقدسات او نه هم له مړو وېره لري خو وسله والو طالبانو لاتراوسه په دې اړه څه نه دي ویلي.