په کامدیش کښي د سرحدي پولیسو د لومړي کنډک قومندان ډګروال شمس وویل چي په پیښه کښي ګڼه مرګ ژوبله رامنځته شوي او لاهم په سیمه کښي نښته دوام لري دده په وینا چي د نښتي په ترڅ کښي دیارلس وسلوال طالبان وژل شوي او شپږ تنه نور ژوندي نیول شوي نوموړی پولیسو ته هم د مرګ ژوبلي د اوښتو خبره وکړه خو ده دقیقه شمیره څرګنده نه کړه دا قومندان وايي چي نیول شوو کښي دوه تنه عرب ی جنګیالي دي چي القاعدي یو شاخ پوري اړه لري
نوموړي وايي چي میردیش پتیګل او بازګل کلیو کښي لاهم درنه جګړه روانه ده او نور معلومات په لاس کښي نه لري
وړاندي د نورستان امنیه قومندان او د کامدیش ولسوال د پیښي د تایید تر څنګ وویل چي پیښه ګڼه مرګ ژوبله لري او نښته لا روانه ده دوي وايي چي په پیښه کښي دوه پولیس هم وژل شوي او یو بل تن ژوبل دي دوي وايي نور معلومات اوس په لاس کښي نه لري
طالبانو لا ددي پیښي په اړه څه نه دي ویلي کامدیش ولسوالۍ پر ډيورنډ کرښه پرته ولسوالي ده چي تل پکښي جنګونه کیږي او په ګڼو مرګ ژوبلو پاي ته رسیږي .