لراوبر ویب پاڼه لراوبر يو افغان – تازه خبرونه
د پاکستان د خلکو ګوند چي همدا اوس يو واکمن ګوند دئ غواړي چې د پاکستان جمهور رئيس پرويز مشرف د هيواد سره د خيانت په تور تر څارني ﻻندي راولي او بيا يې محاکمه کړي .
د فرانسې خبري آژانس د خلکو د ګوند د وياند فرحت الله بابار له قوله وايي چي مشرف دپاکستان اساسي قانون نقض کړی دئ او هغه نه يوازي داچي محکمې ته بايدراوغوښتل سي بلکه د خيانت په تور محاکمه هم بايد سي . دغه وياند زياتوي چي د پاکستان سياسي مشکيلات تر هغو چي مشرف پر قدرت باندي وي، همداسي به دوام ولري .
د فرانسې خبري آژانس وايي چې په پاکستان کي د وطن په وړاندي د خيانت جزاء اعدام دئ .
د پاکستان دخلکو د ګوند وياند پداسي وخت کي و محکمې ته د مشرف دراغوښتولو او دهغه د محاکمې خبره را پورته کوي چي دپاکستان جمهور رئيس تازه اعلان کړی وو چي دزياتو فشارو سره سره به پر خپل مقام باندي پاتي اوسي .
