کور / راپور / پښتنو اخیستونکیو له تاجکو خرڅوونکیو څخه پرېکړون اعلان کړ

پښتنو اخیستونکیو له تاجکو خرڅوونکیو څخه پرېکړون اعلان کړ

راپور: حبیب الرحمن تاثیر

 

د غزني ولایت د مقر، اندړو، ناوې، ګیلان، قره باغ او اجرستان ترڅنګ په څوارلسو پښتون مېشتو ولسوالیو او د مرکز په ځینو برخو کې علماءکرامو، قومي مشرانو، مخورنیو او ځوانانو پرېکړه کړې چې که څوک هم پښتني احساس لري، نو نور به په دغه ولایت کې له غزني مېشتو تاجکو سره هیڅوک هیڅ ډول سودا، کاروبار او لین دین نه کوي او په ټولیزه توګه به پښتانه پښتنو ته ورځي.Buycott پريکون

دوی وايي: که څه هم چې موږ نه قام پرست او نه هم په ټولیزه توګه د عامو تاجکو خلاف په عمل لاسه پوري کوو، خو د غزني ولایت مقام ته څېرمه د ښاروالۍ ریاست مخې ته له احتجاجي کیږدۍ څخه د غزني پښتنو ولسونو ته، د ځناور، ترهګر، وحشي، جنګي اجنبي او اوغان غول خطابونه کېږي چې دغه تاجک دوکانداران یې ورسره د تکبیر او الله اکبر په نارو بدرګه کوي چې دا د پښتنو سخت سپکاوی دی. 

دوی وايي: غزنی د پخوا په رنګه نه چې پښتانه به په کې د مېلمه په څېر شپه کوله او سهار به بېرته کلي ته تلو او دغه تاجکو به ورپسې د خولې ډول واهه، بلکې دا وخت پښتانه د غزني له څلورسوه څخه دوه سوه پنځه اویار مارکېټونه لري او پاته نور هغه یې د تاجکو او هزاره ګانو دي، خو له دې پرته په دغه ښار کې پښتانه د جایدادونو، کورونو، شخصي رغتونونو، هوټلونه او دوکانونه مالکان دي، که څه هم چې تاجک دوکاندارانو به له پښتنو اخیستونکیو سره ناانصافي کوله او د روپۍ شی به یې په دوه ورباندې پلورل خو شکرالحمدالله پښتانه باسواده شوي ډاکټران، انجنېران او استادان لري، نور د پښتنو هر غم خوړلای شي، باید موږ له احتیاط څخه کار واخلو.

.