لراوبر ویب پاڼه لراوبر يو افغان – تازه خبرونه
د پښتونخوا د لکي مروت اوسېدونکی پښتون شاعر افګار بخاري تېره شپه نامالومه وسلوالو په خپل کور کي په ډزو وژلی دی.
د راپورنو له مخي افکار بخاري د چهارشنبې په ماښام په خپل کور کي په ډزو وژل سوی، خو لا تراوسه د هغه د مرګ انګېزه مالومه نه ده.
افکار بخاري چي اصلي نوم يې سيد ظهور عباس وو په پښتو ژبه يې ډېر شعرونه ويلي چي د پښتنو د مشهورو سندرغاړو لخوا په سندرو کي ويل سوي دي.
راپورونه وايي، چي کېدای سي د هغه وژنه مذهبي رنګ ولري، ځکه افګاربخاري شيعه مذهبه وو او په دې وروستيو کي يې دم او تعويذونه هم کول.
