لراوبر ویب پاڼه لراوبر يو افغان – تازه خبرونه
د بشري حقونو فعاله او سياسي مبارزه جليله حيدر په لاهور کي د پاکستاني استخباراتو لخوا نيول سوې ده.
جليله حیدر د کوټي اوسېدونکې ده او دا مهال په سياسي فعاليتونو او د بشري حقونو په مبارزه بوخته ده.
آغلې حيدر وايي، په يو کنفرانس کي د ګډون لپاره لندن ته روانه وه، چي په لاهور کي چارواکو راوګرځول او ددې د سفر مخه يې ونيول.
دا وايي، چي چارواکو راته وويل: “نوم دې د ریاست ضد فعالیتونو له کبله د سفري بندیزونو په نوملړ (اې سي ایل) کې اچول سوی دی او ته نه سې کولای چي د ملک بهر ولاړه سې”.
پاکستاني رياست په دې وروستيو کي د بشري حقونو ګڼ فعالان نيولي دي او نړيوالي ټولني د پاکستان پر حکومت ږغ کړی چي د بشري حقونو پرضد دي له سرغړونو لاس واخلي.
