دکابل پوهنتون محصلين دملي آرمان ورځپاڼي بنديدل اومحاکمه کيدل غواړي

 

دکابل پوهنتون په لسګونو محصلينو دملي ارمان په نوم ديوې ورځپاڼې پرضد لاريون وکړ اوددغه ورځپاڼې دبنديدو غوښتنه يې له دولت نه کوله .

 

لاريون کوونکيو چې شميره يې له ٥٠٠ نه زياته وه مرګ پرارمان ملي ورځپاڼه اوموږ دملي ارامان دورځپاڼې دمدير اودهغه ليکوال چې د(کرزي کودتاکرد) ترعنوان لانديې يې مقاله ليکلې اوددغه ورځپاڼې دتلې په ٢٢مه ګڼه کې يې خپره کړې وه .

 

د آرمان ملي وځپاڼه کې (کرزي کودتاکرد )ترسرليک لاندې  د عصر دولت شاهي په نوم يوه  ليکوال    يوشمير شخصيتونو،د حامد کرزي دحکومت دکابيني په يوشمير غړو  او د وردګو قوم په اړه داسې ستغى کلمې کارولې وې چې کابل پوهنتون محصلين يې قهرجن کړي وو اونن يې په لاريون لاس پورې کړ . .

په ياده شوې مقاله کې   کورنيو چارو نوى  وزير محمد حنيف اتمر پخوانى خادست او فاشيست ګڼل شوى دى . 

 

 د مقالې په يوه بله برخه کې راغلي : (( کرزي د خپلو ظالمانه او عبدالرحمان خاني ډوله برنامو د پلي کولو په موخه ټول پوستونه په پښتنو ډک کړي او هغه هم په هغو پښتنو چې هيڅ ډول قوي قومي پايه نه لري او ډېرى يې زاړه ګناه ګاران دي . ..  او دا ټول کرزي ته چاکري کوي … ))

 

د مقالې ليکوال  په کابينه کې نوي تغييرات پر تاجک قوم يوه کودتاه تعبير کړې ده .

داپه داسي حال کې ده چې ښاغلى حنيف اتمر دخپل کار له مخې دکورنيو چارو وزير شوي دي

اتمر له دې وړاندې دپوهني وزير وواوله هغې وړاندې دکليو اوپراختياوزير وو چې په خپل و ار يې ډير خدمتونه کړي دي چې له دې هيڅوک سترګې نه شي پټولاي  .

 

 

لاريون کوونکيو چې په سپينو ټوټو يې په شنه رنګ شعارونه ليکلي وو (آرمان ملي  زموږ ملي وحدت ته صدمه رسوي ) موږ دملي آرمان دورځپاڼي بنديدل اودمسول مدير ته يې سخته سزا غواړو اوداسي نورشعارونه ورکول .

دعبدالله په نوم دمحصلينو يواستازي ګواښ وکړ چې که چيرې محکمه دارمان ملي وځپاڼه ليکونکي مدير ته سخته سزا ورنه کړي نودکابل پوهنتون محصلين به يې دفترته اور واچوي .

 

 

دغه راز نوموړي ويل چې دکابل پوهنتو ن ډيرى شمير محصلينوهوډ کړي چې  که دولت ورته توجه ونه  کړه نو دغه شان لاريونونوته به ادامه ورکوي