لراوبر ویب پاڼه لراوبر يو افغان – تازه خبرونه
وسله وال طالبان وايي، چې تېره شپه يې په خوست كې د ناټو ځواكونو پر پوځي مركز توغندي ويشتي او يو شمېر سرتيري يې وژلي ا و ټپيان كړي دي.
هوايي ډګر ته نېږدې اوسيدونكي وايي، چې د دوو توغنديو له لويدو وروسته يې په ډګر كې د ننه د اور لمبې وليدې او د خطر زنګونه وغږول شول.
خو په خوست كې د ناټو مطبوعاتي دفتر وايي، چې توغنديو دوى ته مالي او ځاني زيان نه دى رسولى.
ځواكونو وايي، چې له توغنديو وروسته دوى د خوست په جنوب ختيځو غرنيو سيمو د توپونو ډزې كړې، چې په پايله كې يې څلور تنه ټپيان شوي دي.
ټپيان د درملنې له پاره د ځواكونو روغتون ته راوړل شوي او ځواكونه وايي، چې پلټي به، چې ټپيان كسان رېښتيا هم د سيمې شپانه كوچيان دي او كه توغندي ويشتونكي.
