د ناټو د لپاره د اکمالاتي قطار ۱۲ ټرکونه وتښتول سول    

رویټر او بی بی سی خبر ورکوي چی ۶۰ وسلوالو کسانو چی نقابونه یې اغوستی وو ، په خیبر ایجنسی کی د لارۍ موټرو پر هغه اوږد قطار حمله وکړه چی په افغانستان کی امریکایانو او ناټو ته اکمالات رسوی او ۱۲ ډک ټرکونه یې ورڅخه وتښتول . د دې دوولس ټرکونو سره د هغوی ۲۶ ډریوران او کلینران هم بیول سوي دي . معلومه نه ده چی په دې موټرو کی څه شی بار سوی وو . پاکستانی پوځ هره خوا کلابنده کړې خو څه کامیابی یې په لاس نه ده وروړې . په خیبر ایجنسی کی هرکله د ناټو لپاره پر اکمالاتی کاروانونو وسلوالی حملې کیږی . پاکستان د دې حملې پړه د بیت الله پر جنګیالیو اچولې ده .

د وېډيو دپاره دلته کليک وکړئ !