ژړا راځي
چه بیچاره ملت ته ګورمه ژړا راځی
زمامدارانو د غفلت ته ګورمه ژړاراځی
په هیڅ چاکی خواخوګۍ اوترحم نه وینم
وطن ویجاړ حالت ته ګورمه ژړا راځی
ټول افغانان یوو او بیرغ مو یو دی
بیا چه د ژبو تبعیضو ته ګورمه ژړا راځی
وطن زمونږ واک یی د پردو په لاس دی
د رحمن بابا شعرو ته ګورمه ژړا راځی
وطن مو ښکلې غرونه او باغونه لری
چه د شهیدانو هدیروته ګورمه ژړا راځی
کور د ننګیالیو ده، زمریان پکی دی
چه د ګیدړو نیرنګو ته ګورمه ژړا راځی
افغانان یوو، ښکلی تاریخ اوغیرت لرو مونږ
بیا د ګاونډیو دسیسو ته ګورمه ژړا راځی
راځی چه د اغزو په ځای ګلان وکرو
بیا د غمازانو پلانو ته ګورمه ژړا راځی
سوله او نیکمرغی د وطن، شعار دی زمونږ
د حامد شړیدلی ګریوان ته ګورمه ژړا راځی
