لراوبر ویب پاڼه لراوبر يو افغان – تازه خبرونه
پوليسو د فرانسې د مرکز پيرس له يوه پلورنځي څخه چاوديدونکي توکي تر لاسه کړي
دي.
د پوليسو په وينا دغه توکي په تشنابونو کې ځای پر ځای شوي وو او د چولو
لپاره ورسره کومه آله موجوده نه وه. پوليسو تر اوسه په دغه تور څوک نه دی
نيولی.
له بلې خوا د افغانستان د انقلابي تحريک په نامه يوې ډلې د فرانسې خبري
آژانس ته يوليک کې ليکلي چې دا کار دوی کړی. په ليک کې راغلي. ((دا يوازې يو
خبرداری وو. که فرانسه د افغانستان څخه خپل پوځيان ونه باسي نو مونږ به يې په خلاف
ګامونه پورته کړو.))
نن د فرانسې ولسمشر نيکولس سرکوزي اروپايي پارلمان ته په خبرو کې وويل چې بايد
غافله پاتې نه شي او دغسي ګواښونه سرسري ونه ګڼي.
