د پښتوژبي د نومياتي مجلې ’’ ليكوال ’’ د كوټي څانګي د لوي مبارز ،فرهنګي او سياسي شخصيت  كاكاجي صنوبرحسېن مومند د ۴۶م تلين په وياړد يوه ورځني سيمينار جوړولو تابيا كړېده .

 

دغه يوه ورځنى سيمينار به د جنورۍ پر دريمه نېټه ماسپښين دوې بجې د كوټي د مطبوعاتي مركز په خان شهيد تالار كي تر سره كيږي .

 

د ليكوال مجلې د كوټي استازي نظرمحمد بړېڅي لراوبر ويب پاڼي ته وويل چې ياد سوى سيمينار يا څېړنغونډه به پر ټاكلي وخت پيل كيږي چي په جريان كې به يې بېلابېل پوهان او د قلم خاوندان د ارواښا د كاكاجي صنوبرحسېن مومند پر ژوند او خدمت رڼا اچوي .

 

د هغه په وينا دوي د ژوند له هري څانګې سره اړه لرونكو كسانو ته بلنه وركړې تر څو په خپل ګډون دغه يوه ورځنۍ څېړنغونډه لا ښكلوې او درنه كړي . 

                                                                                                                         بوريوال كاكــړ