مسته هلمنده دغرونوپرڅنډه

بيادې فوځونه ديرغلگروښكيل دي

بيادې اخته په تاخوني مرض كړل

بياپه ژړاوو اوويرونوښكيل دي

بيادې په غيږكې كوربانه راگيردي

بيادې وركړى ددوزخ غوټې دي

بيادې گيركړي دبامالښكرې

بيادې ايستلي ترسينوچړې دي

لايې كيسې خپل دنيكونوهيرې

چې يې په وينوسيلابونه جوړوه

پرهرپرهريې ستاميوندليكلي

په ډيرومړويې دوزخونه سوړوه

بيايې كرلي پرځانودي تبې

بيايې ليدلي شيطاني خوبونه

روحان يې قبض جسدونه پاته

بيادې مړه سوي يرغلي ټانگونه

مسته هلمنده دغرونوپرڅنډه

بيادې واړه بچي ښكارونه كوي

بيادكرملين پركورټكى اوري

بيادې زلمي څنگه وارونه كوي

اى يرغلگره تاچې بې پلاره بلل

دايتيمان دې اوس هډونه چوري

تاچې په فكركې واړه گڼله

داماشومان دي اوس كورونه چوري

بيادې په دښتوباندې وينې ښوري

بياخونيان شول وږي تږي زمريان

بيادې ليكلي احمدشاه پرتوره

بيادې منگل كې مردارسوي ليوان

مسته هلمنده دغرونوپرڅنډه

بيادې كونډيانې درديدلې ښكاري

بيادانگريزدسره سترگې باسي

بيامدعاوې جگيدلي ښكاري

هغه سكروټې دې سره اورونه جوړسول

هغه مړې سوې تورې دې بياجگيږي

دهرپرچون پرلښ هلمندجوړوي

هره ميره دې په مستى نڅيږي

څرنگه پرچونه دهلمندبازارسوداكړل

څونده دې وپلورلې ورباندې خپلې وينې

مړې ككرى دې خپل دنيكونوشماركړې

څنگه ليلام دې كړلې خپلې ښاغلي ويني

ټول مرامونه دې دوزخ ته يووړل

خپل نوروسپوته هم نصيحت وكړه

چې دهلمندپه غيږكې اورپرځيږي

بيادزمريانوعداوت مه كړه

مسته هلمنده دغرونوپرڅنډه

بيادې خپل نوم پرجهان وځلوي

احمدي دادميرويس خان كوردى

بيايې دښمن له ځانه وخوځوي

غزني

۲۰۰۹-۳-۶