د جنوبي وزيرستان له واڼه څخه وركړل سوي خبرونه وايي د الوتكي په يوه توغندي كي څلور وسله وال وژل سوي دي.
ځايي خلګ وايي بريد د امريكا د يوې بې پيلوټه الوتكي په ذريعه ترسره سوى چي د ځايي طالبانو يو موټر يې په نښه كړ.
پاكستان په قبايلي سيمو كي د امريكا د بې پيلوټه الوتكو له بمباريو سره ظاهراً مخالفت ښيي، خو په قبايلي سيمو كي دغه عمليات ورځ په ورځ ډېريږي.
د پاكستان جمهور رئيس آصف زرداري له امريكا څخه د بې پيلوټه الوتكو د وركړي غوښتنه كړې او وايي پاكستان به خپله د طالبانو سره په وجنګېږي، خو امريكا وايي په تېرو كلونو كي چي يې پاكستان ته پوځي او مالي مرستي وركړي، هغه يې په موثره توګه نه دي كارولي.